लघुवित्त पीडितसँग वार्ता गर्न आचार्यको संयोजकत्वमा टोली गठन
फाइल फोटो
काठमाडौँ । आन्दोलनरत लघुवित्त पीडितसँग वार्ता गर्न समिति गठन गरिएको छ। अर्थमन्त्री डा. स्वर्णिम वाग्लेले बिहीबार मन्त्रिस्तरीय निर्णय गर्दै अर्थ मन्त्रालयका सहसचिव महेश आचार्यको संयोजकत्वमा वार्ता टोली गठन गरेका हुन्।
समितिका सदस्यहरूमा कानुन मन्त्रालयका सहसचिव विनोदकुमार भट्टराई, गृह मन्त्रालयका सहसचिव सुरेश पन्थी र नेपाल राष्ट्र बैंकका कार्यकारी निर्देशक रामु पौडेल रहेका छन्। वार्ता समितिको सदस्य सचिवमा अर्थ मन्त्रालयका उपसचिव बोलराज आचार्य छन्।
समितिलाई आजै पीडितहरूसँग वार्ता सुरु गर्न निर्देशन दिइएको छ। समितिको पहिलो बैठक अहिले केही बेरमा अर्थ मन्त्रालयमा बस्दै छ। सो बैठकले आन्दोलनरत लघुवित्त पीडितहरूसँग आजै वार्ता सुरु गर्ने तयारी गरेको छ।
.png)
.png)